पोखरामा विहिवार सम्पन्न दोस्रो विश्वविद्यालय खेलकुद प्रतियोगितामा त्रिभुवन विश्वविद्यालय टिम च्यायम्पियन बन्न सफल भएको छ । त्रिभुवनले १३स्वर्ण पदक सहित टिम च्याम्पियन बनेृको हो । ९ रजत तथा ४ कास्य सहित २६ पदक प्राप्त गरि दोस्रो पटक पनि च्याम्पियन बन्न सफल भएको हो ।

यस्तै ३ स्वर्ण २ रजत र ३ कास्य पदक सहित सुदुरपश्चिम विश्व विद्यालय द्धितीय भएको छ भने २ स्वर्ण र ३ रजत पदक सहित मध्यपश्चिमान्चल विश्व विद्यालय तृतीय भएको छ । सहआयोजक गण्डकी विश्वविद्यालयले १ स्वर्ण सहित २ रजत र ५ कास्य पदक प्राप्त गरेको छ । काठमाण्डौले २ रजत र ७ कास्य हात पार्दा पोखराले १ रजत ३ कास्य पदक प्राप्त गरेको छ । पूर्वान्चाल २ कास्य, कृषि तथा वनविज्ञान २ कास्य र लुम्विनी विश्वविद्यालयले १ कास्य पदकमा चित्त बुझाएका छन् ।
विजेता खेलाडी तथा टिम च्याम्पियन टिमलाई गण्डकी प्रदेश सभाका सांसद प्रकाश बराल, गण्डकी विश्वविद्यालयका रजिष्टर डा कैलाश तिमल्सिना, राष्टिय खेलकुद परिषदका बोर्ड सदस्य अन्जना श्रेष्ठ, कार्यक्रम संयोजक तथा परिषद् बोर्ड सदस्य डा मधुसुदन सुवेदी, कार्यक्रमका सचिव तथा विभागीय प्रमुख मिनकुमार शर्मा लगायतले रनिङ शिल्ड, टफी मेडल तथा नगद पुरस्कार प्रदान गर्नु भयो ।
चार खेल पुरुष भलिबल, महिला पुरुप एथलेटिक्स, व्याडमिन्टन र टेबलटेनिका गरि १९ स्वर्ण पदका लागि प्रतिष्पर्दा भएको थियो ।

दोस्रो विश्व विद्यालय खेलकुद प्रतियोगिता अन्तर्गत टबल टेनिसमा त्रिभुवन विश्व विद्यालयले ३ स्वर्ण प्राप्त गरेको छ । उसले २ रजत र एक कास्य पदक प्राप्त गरेको छ । यस्तै गण्डकी विश्व विद्यालयले १ स्वर्ण १ रजत र २ कास्य प्राप्त गरेको छ । यस्तै काठमाण्डौ विश्वविद्यालयले १ रजत तथा ३ कास्य जितेको छ भने पोखरा र पूर्वान्चल विश्व विद्यालयले एक एक कास्य पदक प्राप्त गरेका छन् ।
यस्तै आजै सम्पन्न भएको व्याडमिन्टनमा पनि त्रिभुवन विश्व विद्यालय नै अगाडी रहयो । उसले ४ स्वर्ण र एक रजत जित्न सफल भएको छ । यस्तै पोखरा, लुम्विनी र गण्डकीले एक एक रजत हाल पारे भने काठमाण्र्डौले ३ कास्य पदक प्राप्त गरेको छ ।

दोस्रो विश्वविद्यालय खेलकुद प्रतियोगिता अन्तर्गतको एथलेटिक्स तर्फ त्रिभुवन विश्वविद्यालय ६ स्वर्ण सहित १४ पदका साथ प्रथम भएको छ । त्रिभुवनले रजत ५ र कास्य ३ पदक प्राप्त गरेको हो । त्रिभुवन विश्व विद्यालयले ८०० मिटर दौडमा महिला पुरुष,४०० मिटर दौडमा महिला १०० मिटर दौडमा महिला र २०० मिटर दौडमा महिला तथा महिला लंङजम्पमा स्वर्ण पदक जितेका हुन ।
यस्तै महिला तथा पुरुष २०० र ४०० मिटर १०० मिटर महिलामा रजत पदक प्राप्त गरेको छ । यस्तै १०० मिटर पुरुष तथा लंङजम्प महिला पुरुषमा कास्य पदक प्राप्त गरेका हुन ।
सुदुरपश्चिमले ३ स्वर्ण,१ रजत र २ कास्य पदक प्राप्त गरेको छ भने मध्यपश्चिम विश्वविद्यालयले १ स्वर्ण र ३ रजत पदक जितेको छ । काठमाण्डौ विश्व विद्यालयले रजत १ र कास्य १ पदक प्राप्त गरेको छ । यसै गरि गण्डकी विश्व विद्यालयले २ र लुम्विनी विश्वविद्यालय र पूर्वान्चल विश्वविद्यालयले १÷१ कास्य पदक प्राप्त गरेको छ ।