काठमाडौं, बैशाख १७ गते ।
राष्ट्रिय खेलकुद परिषद् (राखेप) का सदस्य–सचिव टंकलाल घिसिङले प्रशासनीक कार्यलाई अझ प्रभावकारी बनाउन दिर्नेशन दिनु भएको छ । सोमबारको सदस्य–सचिवस्तरीय निर्णयानुसार राखेप मातहतका सबै विभाग र शाखालाई पत्रचार गरी सो निर्देशन दिइएको हो ।
कार्य सम्पादनको सिलसिलामा राखेपमा पेश हुन आएका पत्र, फाइललगायतका कागजातहरु कारवाही प्रक्रियामा ढिलासुस्ती भई गुनासो आएको भन्दै तत्काल गुनासोलाई सम्बोधन गर्न भनिएको छ । आगामी दिनमा राखेपका काम, कारवाही चुस्त दुरुस्त रुपमा सम्पादन गर्न सबै विभाग तथा शाखाहरुलाई वित्तिय सम्बन्धी भए बढीमा ५ दिन र अन्य प्रकृतिका भए बढीमा ३ दिनभित्र अनिवार्य रुपमा काम सम्पन्न गर्न निर्देशन दिइएको छ ।

काठमाडौं, बैशाख १६ गते ।
राष्ट्रिय खेलकुद परिषद्का सदस्य–सचिव टंकलाल घिसिङले प्रथम एलिट प्रशिक्षक तालिमको आइतबार एक कार्यक्रमबीच उद्घाटन गर्नु भएको छ । तालिम शनिबारदेखि सुरु भएपनि औपचारिक उद्घाटन भने आइतबार मात्र भएको हो ।

नेपाल कराते महासंघको आयोजनामा भइरहेको तालिममा सातै प्रदेश र तीन विभागीय टोलीका जम्मा ४७ जनाको सहभागिता रहेको आयोजक महासंघका महासचिव दावा गुरुङले जनाउनु भयो ।
सहभागीलाई करातेका संस्थापक एवं आयोजक महासंघका अध्यक्ष युवराज लामाले हिस्ट्री, डेभलप्मेन्ट एन्ड बुदो डेभलोप्मेन्ट, करातेका पूर्व प्रमुख प्रशिक्षक महेशकुमार श्रेष्ठले कराते थियोरी एन्ड प्राक्टिकल, दावा गुरुङले लिडरसिप इन कराते, कुशल श्रेष्ठले म्युजिक इन कराते ट्रेनिङ, सुलोचना सिजाख्वाले ट्रेनिङ मेथोडोलोजी र डा. शिवराज भट्टले स्पोर्ट्स साइकोलोजी बारे प्रशिक्षण दिइ रहनु भएको छ ।

सातदोबाटोस्थित कराते हलमा भइरहेको तालिम बैशाख २० गतेसम्म चल्ने छ । उद्घाटनका अवसरमा युवराज लामा र शिवराज भट्टद्वारा लिखित कराते यात्रा पुस्तकको पनि सदस्य–सचिव घिसिङले विमोचन गर्नु भएको थियो ।

पोखरा । सातौं एसिया कप ट्रायथलन २०२४ मा पुरुषतर्फ इजिप्टका सिफे्ल्दिन इस्माइल र महिलातर्फ इजरायलकी इड्डा जानेसडोटिर च्याम्पियन भएका छन् । नेपाल ट्रायथलन संघको आयोजनामा पोखरामा शनिबार सम्पन्न उक्त प्रतियोगितामा उनीहरु च्याम्पियन भएका हुन् । पुरुषतर्फका प्रतिस्पर्धामा च्याम्पियन सिफेल्दिनले ७ सय ५० मिटर पौडी, २० किमि साइक्लिङ र ५ किलोमिटर दौड सम्पन्न गर्न ५६ मिनेट ४५ सेकेण्डको समय लिए ।

पुरुषतर्फ नै अस्ट्रेलियाका व्रुकलिन हेनरी दोस्रो भएका छन् । उनले ५७ मिनेट १० सेकेण्डको समय लिए भने तेस्रो भएका जापानका मिट्सुहो मोचीजुकी ५७ मिनेट २० सेकेण्डको समय लिए । यसै गरी अस्ट्रेलियाका निक फ्रिस्बी चौथो भए । उनले आफ्नो दुरी ५७ मिनेट २५ सेकेण्डमा सक्दा पाँचौ स्थानमा जापानका युया कोवायासी बने ।

उनले ५७ मिनेट २५ सेकेण्डको समय लिए । यसै गरी सोही इभेन्टको महिलातर्फ इजरायलकी इड्डा जानेसडोटिरले १ घन्टा ६ सेकेण्डमा दुरी पार गरी च्याम्पियन बनिन् । यस्तै गाम्बियाकी इजिमा मानामी इजिमाले १ घन्टा ४२ मिनेटको समय लिंदै दोस्रो स्थान हासिल गरिन् भने १ घन्टा ४ मिनेट १८ सेकेण्डको समय लिएकी उज्बेकिस्तानकी एलिना खाकीमोभा तेस्रो, १ घन्टा ५ मिनेट ९ सेकेण्डको समयमा दौड पुरा गरेकी इन्डोनेशियाकी मार्टिना आयू प्रातिवी चौथो र १ घन्टा ५ मिनेट २९ सेकेण्डका आफ्नो प्रतिस्पर्धा पुरा गरेकी जापानकी इकुमी सेतोले पाँचौ स्थान हासिल गरिन् । एसियाकप ट्रायथलन अन्तर्गत पुरुषतर्फ ३८ र महिलातर्फ २४ खेलाडीहरुको सहभागिता रहेको थियो ।

प्रतियोगितामा नेपालसहित २० देशका अस्ट्रेलिया, युनाइटेड अरब इमिरेट्स, गाम्विया, प्लेस्टाइन, उरुग्ये, अस्ट्रिया, अल्जेरिया, न्यूजिल्याण्ड, लक्जम्वर्ग, जापान, भारत, मरिसस, काजाकास्तान, वंगालादेश, उज्बेकिस्तानलगायतका देशका खेलाडीले सहभागिता जनाएका थिए । साउथ एसिया ट्रायथलन च्याम्पियनसिप प्रतियोगिता अन्तर्गत भएको दशौं सस्करणको साउथ एसिया ट्रायथलन च्याम्पियनसिपमा पुरुषतर्फ भारतका आदर्श मुरलीधरन बिजेता बनेका छन् । उनले १ घन्टा २ मिनेट ३ सेकेण्ड लिंदै बिजेता बन्दा भारतकै कौशिक विनय मालन्दकर दोस्रो भए ।

उनले १ घन्टा ३ मिनेट ६ सेकेण्डको समय लिए । त्यस्तै नेपालका विपन खत्कत्वा तेस्रो भएका छन् । उनले उक्त दुरी १ घन्टा ५ मिनेट २५ सेकेण्डमा पुरा गरे । त्यसैगरी महिलातर्फ भारतकी मान्सी मोहिती बिजेता बनिन् । उनले १ घन्टा ७ मिनेट ५१ सेकेण्डमा पौडी, साइक्लिङ र दौड पुरा गरिन् भने दोस्रो स्थान नेपालकी श्रेवी महर्जनले हात पारिन् भने तेस्रो स्थानमा नै नेपालकी शोभा बलामी भएकी छन् । श्रेवीले १ घन्टा ११ मिनेट ४५ सेकेण्डको समय लिंदा शोभाले १ घन्टा २१ मिनेट १३ सेकेण्डको समयमा लक्ष्य पुरा गरिन् । राष्ट्रिय ट्रायथलन च्याम्पियनसिप प्रतियोगिता अन्तर्गत सम्पन्न राष्ट्रिय ट्रायथलनमा विपन खत्कत्वा बिजेता बनेका छन् । उनले १ घन्टा ५ मिनेट २५ सेकेण्डको समय लिएका थिए भने १ घन्टा ६ मिनेट २० सेकेण्डको समय लिएका प्रविन थारु दोस्रो र १ घन्टा ७ मिनेट ४८ सेकेण्डको समय लिएका मुकेश थारु तेस्रो भए ।

यसै गरी महिलातर्फ १ घन्टा २१ मिनेट ५७ सेकेण्डको समयमा दुरी पार गरेकी श्रेवी महर्जन बिजेता बनिन् भने शोभा बलामी दोस्रो र ज्ञानु कुमारी चौधरी तेस्रो भइन् । जुनियर साउथ एसिया च्याम्पियनसिप जुनियर साउथ एसिया च्याम्पियनसिपमा भारतका साइ केडी र भारतकै कृषिभ पटेल पहिलो र दोस्रो हुँदा नेपालका यजु महर्जन तेस्रो भएका छन् । भने महिला जुनियरतर्फ नेपालकी श्रेवी महर्जनले बिजेता भएकी छन् ।

त्यस्तै दोस्रो र तेस्रो स्थानमा भारतका खेलाडीद्वय दुर्विशा पवार र प्रेरणा श्रवण कुमार भएकी छन् । प्रतियोगितामा बिजेता खेलाडीहरुलाई राष्ट्रिय खेलकुद परिषदका सदस्य सचिब टंकलाल घिसिङ, प्रदेश खेलकुदका सदस्य सचिब श्रीधर शर्मा, नेपाल ट्रायथलन संघका अध्यक्ष निलेन्द्रराज श्रेष्ठ, बरिष्ठ उपाध्यक्ष एवं गण्डकी प्रदेशका पूर्व सांसद दिपक कोइरालालागयतले नगद, मेडल तथा प्रमाणपत्र वितरण गरेका थिए ।